అమెరికాలో ఓటింగ్ మొదలు..ఇప్పటికి పోలిన ఓట్లు..
అమెరికా అధ్యక్ష ఎన్నికల కోసం ప్రపంచం మొత్తం కళ్ళప్పగించి చూస్తోంది. మరో సారి ట్రంప్ అధికారం చేపడుతారో లేదా బిడెన్ కి అమెరికా ప్రజలు ఈ సారి అధికారాన్ని కట్టబెడుటారోననే ఉత్కంటకు తెరపడే సమయం దగ్గరకు వచ్చేసింది. ఎంతోమంది అమెరికన్స్ ప్రభుత్వం ఏర్పాటు చేసిన పోలింగ్ కేంద్రాలలో ఓటు హక్కును వినియోగించుకుంటున్నారు.
అదేంటి నవంబర్ 3 వ తేదీన పోలింగ్ కదా అనుకోవచ్చు. అవును పోలింగ్ జరిగేది నవంబర్ 3 వ తేదీనే కానీ ఆ సమయంలో ఓటు హక్కు వినియోగించుకోలేని వారికోసం ఎర్లీ ఓటింగ్ అనే విధానన్ని ఏర్పాటు చేసింది ప్రభుత్వం.
ఈ విధానం ద్వారా ఇప్పటికే ట్రంప్ ఓటు హక్కును వినియోగించుకాగా దాదాపు 4 కోట్ల మంది అమెరికన్స్ ఓటు వేసినట్టుగా తెలుస్తోంది. నవంబర్ 3 వ తేదీ నాటికి ఈ సంఖ్య మరింత పెరిగే అవకాశం ఉందని, ఈ ఓటింగ్ సరళి ఎవరికీ అనుకూలంగా ఉందనేది మరి కొద్ది రోజులు అయితేనే కాని తెలియదని అంటున్నారు పరిశీలకులు.